Тааттаҕа хотугу многоборьеҕа оҕолорбут бастаатылар

Тааттаҕа хотугу многоборьеҕа оҕолорбут бастаатылар

Кулун тутар 9-13 күннэригэр Таатта улууһугар Уус Таатта нэһилиэгэр хотугу многоборьеҕа СР үтүөлээх тренерэ Константин Николаевич Туприн кэриэһигэр, оҕолорго хотугу многоборьеҕа республикаҕа Бастыыр иһин уонна улахан дьоҥҥо чемпионат буолла. Күрэххэ 11 сүүмэрдэммит хамаандаттан, 88 спортсмен күөн көрүстэ. Спортсменнар биэс көрүҥҥэ: үстэ төхтүрүйэн ыстаныыга, ураҕастаах сүүрүүгэ, наарта үрдүнэн ыстаныыга, сүгэни ыраахха быраҕыыга, маамыктаны күрэйгэ быраҕан табыыга бэйэлэрин тургутан, кыайыыга дьулуурдарын ууран улуус чиэһин көмүскээтилэр.

Күрэхтэһии аһыллыытын торжественнай чааһыгар «Баһылай Манчаары аатынан Республиканскай национальнай спорт көрүҥнэрин киинин” директорын солбуйааччыта

С.Павлов, Үрүҥ Хайа орто оскуолатын 11 кылааһын үөрэнээччилэригэр Спиридонова Таиннаҕа уонна Туприн Ильмарга «Саха Республикатын хотугу многоборьеҕа спорт маастара”үрдүк бэлиэни туоһулуур дастабырыанньалары үөрүүлээх быһыыга-майгыга туттарда.

Оҕолорго хотугу многоборьеҕа республикаҕа Бастыыр иһин күрэхтэһиигэ Үрүҥ Хайа орто оскуолатыттан Туприн Аня, Спиридинов Кирилл, Рудых Дьулустан, Попова Кэрэчээнэ, Туприн Вадим, Кылтасова Оксана, Туприн Ильмар, Сааскылаах орто оскуолатыттан Сыромятников Стас тиийэн күрэхтэстилэр.

Оттон хотугу многоборьеҕа республика чемпионатыгар улуус чиэһин Туприн Дьулус, Туприн Проня, Ширяев Константин, Спиридонова Таинна, Туприна Айза көмүскээтилэр.

Күрэхтэһии түмүгүнэн оҕолорго хотугу многоборьеҕа республикаҕа Бастыыр иһин күрэхтэһиигэ Анаабыр улууһун хамаандата бастакы миэстэ буолла, иккис Үөһээ Бүлүү, үһүс Таатта улууһа. Оттон улахан дьоҥҥо чемпионакка бастаата Чурапчы, иккис Нерюнгри, үһүс Анаабыр улууһа буолла.

Күрэхтэһии биэс көрүҥүн боротокуолунан түмүгүнэн хайдах ситиһиилээхпитин эрэдьиэстиибин. Ол курдук, Туприн Вадим уонна Туприна Аня күрэхтэһии абсолютнай кыайыылаахтара буоллулар. Сыромятников Стас 3 миэстэ, Кылтасова Оксана 2 миэстэ, Спиридонов Кирилл 5 миэстэ, Рудых Дьулустаан 4 миэстэ, Попова Кэрэчээнэ 3 миэстэ, Туприн Ильмар 5 миэстэ многоборье түмүгүнэн ыллылар.

Улахан дьоҥҥо Туприн Дьулус 2 миэстэ, Спиридонова Таинна 4 миэстэ, Ширяев Константин 6 миэстэ, Туприн Прокопий 10 миэстэ, Туприна Айза 13 миэстэ.

Подробнее: https://xn--80aaaaae5flrcuak4i.xn--p1ai/article/47006

 

Пролистать наверх